Shoqëria SiCRED sh.a., pjesë e tregut të Sigurimit të Jetës që prej vitit 2003, ofron për konsumatorin produkte të sigurimit të jetës, shëndetit, aksidenteve dhe jetës me elementë kursimi.

SiCRED i cilëson punonjësit e saj si elementin më të rëndësishëm të suksesit dhe arritjeve të deritanishme, ndaj kujdeset që të ofrojë kushte pune të favorshme dhe një ambient komod, ku mbizotëron fryma e bashkëpunimit.

 SiCRED aktualisht kërkon të punësojë një profesionist/e në pozicionin “Menaxher i Sigurisë së Informacionit”.

 Informacion mbi përshkrimin e punës:

1. Kryen monitorimin e vazhdueshëm të sistemeve të sigurisë (Firewall, EDR/XDR, IDS/IPS, SIEM, WAF, VPN, Email Security);
2. Kryen analiza periodike te vulnerabiliteteve dhe ndjek implementimin e masave korrigjuese;
3. Merr pjesë në testimet e penetrimit dhe ndjek zbatimin e rekomandimeve;
4. Mbështet proceset e auditimit të brendshëm dhe të jashtëm në fushën e sigurisë së informacionit;
5. Evidenton dhe monitoron risqet kibernetike që prekin sistemet e kompanisë;
6. Merr pjesë në hartimin dhe testimin e planeve të Business Continuity dhe Disaster Recovery;
7. Kryen analiza të logjeve dhe aktiviteteve të dyshimta në sistemet kritike;
8. Mbështet vlerësimet e sigurisë për furnitorët dhe palët e treta;
9. Merr pjesë në implementimin dhe mirëmbajtjen e kuadrit ISMS sipas ISO 27001;
10. Ndihmon në përgatitjen e raporteve dhe dokumentacionit për AKSK, AMF dhe audituesit;
11. Mbështet aktivitetet e ndërgjegjësimit dhe trajnimit të punonjësve në fushën e sigurisë kibernetike;
12. Merr pjesë në analizën e incidenteve të sigurisë dhe ruajtjen e evidencave teknike;
13. Bashkëpunon me ekipet IT, furnitorët dhe palët e treta për adresimin e çështjeve të sigurisë.

 Kërkesat e përgjithshme kualifikuese:

1. Të ketë mbaruar studimet e larta në Teknologji Informacioni, Inxhinieri Kompjuterike, Informatikë Ekonomike ose fusha të ngjashme;
2. Preferohet diplomë Master në Teknologji Informacioni dhe Komunikimi, Siguri Informacioni, Siguri Kibernetike ose fusha të ngjashme, diplomë Master e detyrushme në fushat e tjera të informatikës;
3. Të ketë minimumi 5 vjet përvojë në Teknologjinë e Informacionit, prej të cilave të pakën 1-2 vjet në role që lidhen me sigurinë e informacionit ose sigurinë kibernetike (prefencialisht 5 vjet);
4. Përvoja në sektorin financiar, të sigurimeve ose institucioneve të rregulluara përbën avantazh;
5. Certifikime si CompTIA Security+, ISO/IEC 27001 Foundation, ISO/IEC 27001 Internal Auditor, CEH, Cisco CyberOps, Fortinet NSE, Microsoft Security, Palo Alto PCNSA ose ekuivalente përbejnë avantazh;
6. Të ketë aftësi shumë të mira komunikimi verbal dhe me shkrim;
7. Të ketë aftësi organizimi, dokumentimi dhe raportimi;
8. Të ketë aftësi për të punuar në grup dhe nën presion;
9. Të ketë njohuri të mira të gjuhës angleze, në nivel komunikimi profesional dhe teknik.

 Përse duhet të punoni pranë SiCRED?

Paketë konkurruese përfitimesh për punonjësit:

1. Sigurim privat jete
2. Sigurim privat shëndeti
3. Sigurim privat jete me kursim
4. Fond privat pensioni
5. Një udhëtim stafi në vit
6. Mundësi trajnimi

 Informacion mbi kushtet e punës:

Lloji i punës – Kohë e plotë
Orari – 08:00-17:00
Vendndodhja – Zyrat Qendrore SiCRED, Tiranë

 Dokumentacioni që duhet të depozitohet:

1. CV me foto;
2. Kopje e diplomës dhe listës së notave;
3. Kopje e ID;
4. Kopje e dëshmive për njohjen e gjuhës angleze dhe gjuhëve të tjera (nëse disponon);
5. Kopje e certifikatave të ndryshme të kualifikimit.

 Personat e interesuar janë të mirëpritur të përcjellin aplikimin e tyre deri në datën 15 Korrik 2026, përmes njërës prej mënyrave të mëposhtme: 

1. Me postë, në adresën: Shoqëria e Sigurimit të Jetës SiCRED sh.a., Njësia Bashkiake Nr.5, Rr. “Brigada VIII”, Vila Nr. 3/1, Tiranë
2. Me email: vbodo@sicred.com.al, dhoti@sicred.com.al, ecelo@sicred.com.al, contact@sicred.com.al

*Vetëm kandidatët e përzgjedhur do të kontaktohen.