b

Category: Viti 2020

“Bli Shqip” – Në mbështetje të prodhimit vendas

“Bli Shqip” – Në mbështetje të prodhimit vendas
Nuk ka një moment më të përshtatshëm sesa tani, ku ekonomia shqiptare është e brishtë dhe e cenueshme, për të mbështetur prodhimin dhe prodhuesit vendas.

Nën sloganin “Bli Shqip”, këtë fundvit, SiCRED promovon dhe jep mbështetjen, aq të nevojshme, ndaj tregut shqiptar. Për klientët e saj besnikë dhe bashkëpunëtorët, SiCRED ka përgatitur shporta dhuratë vetëm me produkte “Made in Albania”, një ndihmë e shtuar për prodhuesin në kushtet e pandemisë.

Në një vizitë të shkurtër pranë Kantinës Kallmeti, mundëm të vizitonim ambientet bashkëkohore të punës dhe të shijonim verën e varietetit autokton, kallmet, të krahinës Kallmet të Lezhës. Një trinom që përbën një veçori të prodhimit të verës në atë zonë.

Ndërkohë që kantina e mbulon një pjesë të nevojave për prodhim me burimet e vreshtave të saj, bashkëpunimi me fermerët e zonës është ai që plotëson pjesën dërrmuese të të vjelave. Kjo formë bashkëpunimi përcjell një frymë mjaft pozitive dhe vihet re që, vitet e fundit, ka nisur të aplikohet prej shumë bizneseve të agroturizmit. Është një qasje që ndihmon prodhuesit vendas në mënyrë zinxhir, mbi të gjitha ata fermerë të vegjël që kanë nevojë për mbështetje.

Related Posts